Alòske konsèy prezidansyèl la rantre an fonksyon ofisyèlman jedi 25 avril sa, nan yon konrespondans Ariel Henry voye bay konsè minis yo, li prezante demisyon gouvènman l lan.
“Mwen prezante demisyon gouvènman mwen an. Mwen felisite tout manm gouvènman an, kolaboratè, administrasyon piblik, fòs sekirite yo, tout moun ki te akonpaye m pandan demach patriyotik sa a.” se sa Premye minis la ekri nan lèt la.
Yon lòt bò doktè Ariel senpatize l ak tout konpatriyòt Ayisyen ki t ap soufri pandan peryòd li te sou pouvwa. “Nan non Gouvènman an, mwen remèsye pèp ayisyen an pou opòtinite m te genten pou sèvi peyi nou an ak entegrite, sajès ak lonè.”
Nan menm jounen sa yon arete pibliye nan jounal monitè ki nome ofisyelman Michel Patrick Boisvert kòm premye pou yon ti bout tan.
