Yon rankont enpòtan te òganize jedi 16 me sa ant manm Konsèy Prezidansyèl Tranzisyon a (CPT oubyen KPT) ak Maria Isabel Salvador, Chèf Biwo Entegrasyon Nasyonzini an Ayiti (BINUH). Seyans travay la te konsantre sou rezolisyon Konsèy Sekirite Nasyonzini an, ki otorize deplwaman yon Misyon Sipò Sekirite Miltinasyonal (MMSS) sou sòl papa Desalin nan.
Se Konsèy Prezidansyèl la ki te envite reprezantan espesyal Sekretè Jeneral Nasyonzini an ,Maria Salvador, pou l patisipe nan reyinyon travay sa a sou rezolisyon 2699 Konsèy Sekirite a ki otorize Misyon Sipò Sekirite Miltinasyonal la.
Pandan rankont sa a, Reprezantan epesyal la manifeste angajman BINUH pou kontinye sipòte otorite nasyonal yo pandan l raple apèl sekretè jeneral la te lanse pou ranfòse patisipasyon fanm ak jèn yo nan pwosesis politik la.
