Lapolis nasyonal anonse nan kad yon kontwòl idantite Lapolis Mibalè reyalize, lendi 20 me 2024 la, yo te rive arete Djerby Alexis, li genyen 24 lane, li fèt Senrafayèl, men li rete nan “Cité Doudoune”, Komin Kwadèboukè.
Endividi sa deklare li fè pati gang ki nan zòn nan epi avwe li enplike nan anpil zak kriminèl pami yo: Kamyonèt ki te gen plizyè moun ki t ap sòti legliz, yo te mete dife nan veyikil sa ak tout moun ki te ladan l.
Djerby Alexis fè konnen tou li touye 5 moun ak men pa li epi te enplike nan atak yo fè kont Sou Komisarya Bon Repos a kote yo te touye 3 polisye.
Yon lòtbò, Lapolis Mibalè arete Youncé Monplaisir ak Roseline Labrice, 2 medam sa yo ap viv nan kay ansanm nan “Rue du Centre”, yo fè pati gang k ap fonksyone anba lavil la, nan Pòtoprens.
Se Youncé ki nan tèt yon gwoup bandi ak zam k ap mache fè resèt nan mache Kwabosal, mache tèt Bèf elatriye anba lavil la.
Lapolis Mibalè arete moun sa yo pandan yo t ap travèse pou ale Sendomeng. N ap souliye popilasyon an ki te an kòlè pran prezime kriminèl sa yo epi touye yo, malgre tout efò Lapolis te fè pou te pwoteje yo.
CPRP
