Pandan vizit li nan peyi Etazini , Premye minis Garry Conille te pwofite bay RFI yon entèvyou. Pandan entèvyou sa a, li renouvle volonte Leta ayisyen pou l reprann teritwa pèdi ki anba men gang yo.
Premye Minis la pwofite fè Yon ti bat bouch tou sou deplwaman polisye kenyan yo an Ayiti. «Gen yon efektif ki plis pase 200 sòlda nan premye kontenjan ki rantre nan peyi a, nou espere nan semèn kap vini yo chif sa a ap ogmante siyifikativman,» pawòl premye minis la, ki pa bay yon dat egzat pou rive 2500 sòlda yo espere a. Garry Conille tou mete aksan sou angajman aktif patnè ayisyen yo pou akselere pwosesis sa a.
Sou kesyon teritwa gang yo okipe yo, Doktè Garry Conille ensiste pou di rekiperasyon teritwa yo ta dwe travay fòs lòd ayisyen yo «Donk, reprann teritwa sa yo gang okipe jodi a ap toujou lapolis ak lame Dayiti. Se nou ki pral deside ki lè, nan ki kontèks ak ki jan sipò sa a pral nesesè», se sa li te di nan RFI.
Garry Conille abòde tou dyalòg Jimmy Chérizier, lidè kowalisyon gang yo te pwopoze a, «nou dwe dabò depoze zam yo epi rekonèt otorite Leta anvan nenpòt dyalòg. Sa a se premye etap la epi apre sa nou pral kisa ki ka fèt», daprè PM Conille.
