24 jiyè k ap vini la vil Paris ap resevwa atlèt toupatou nan mond lan nan okazyon gwo evenman espòtif sa ki pote non «Jeux Olympique». Ayiti bò kote pa l ap reprezante ak yon delegasyon sèt atlèt ki soti nan diferan disiplin: atletism, natasyon, jido, boks, ak jimnastik.
Nan atletism, Christopher Borzor pral defann Ayiti nan «100m plat» pandan Emelia Chatfield bò kote pal pral rantre nan konpetisyon nan «100 m haies».
Najè Alexandre Grand’Pierre ap fè konpetisyon nan «100m brasse» ak Mayah Ruth Choouloute nan «50m nage libre».
Le vaillant Philippe Philippe Metellus pral reprezante Ayiti nan judo nan kategori 73 kg, Cedrik Belony Dulièpre, meday ajan nan Je Panameriken yo, pral eseye briye pou Ayiti nan bòks, epi Lynzee Elise Brown pral premye jimnast ayisyen ki patisipe nan «Jeux Olympiques».
10,500 atlèt ki soti nan 206 peyi pral patisipe nan evènman Olenmpik yo ete sa a. Pifò nan yo ak deleggasyon yo pral rete nan « Village Olympique» la , ki twouvel nan Nò Paris. pandan 19 jou konpetisyon yo (24 jiyè rive 11 out), atlèt sa yo pral batay pou 5,084 meday.
Espektatè ak telespektatè yo pral kapab swiv 32 espò diferan pandan «Jeux Olympiques» Paris yo, soti nan atletism pase nan natasyon, judo, foutbòl, elatriye.
