Ofis Nasyonal Idantifikasyon (ONI) ap enfome piblik la an jeneral ak Laprès an patikilye sou lansman yon karavan distribisyon Kat Idantifikasyon Nasyonal, nan plizyè zòn nan rejyon metwopoliten Pòtoprens lan. Komin ki konsène nan kad inisyativ sa a se: Taba, Pòtoprens, Kwadéboukė, Petyonvil, ak Dèlma.
Pou fasilite pwosesis sa a, nouvo pwen mobil distribisyon yo ap tabli nan fason sa a:
Moun ki te fè kat nan biwo ki nan Ri Lamarre ak Gymnasium Vincent yo ka ale chache yo kounye a nan biwo nou ki nan Canapé-Vert (Kanapevè).
Moun ki te fè kat Taba, Koray Seselès, ak Kwadèboukè pral chache yo nan SONAPI.
Kat ki te nan biwo Sile yo nap distribiye yo kounye a nan Meri Dèlma 31.
Kat ki te nan biwo Lise Petyonvil yo nap distribiye yo kounye a nan OAVCT Petyonvil.
Inisyativ sa a fèt ak entansyon pou regilarize operasyon ONI yo ak ede kwape tout pratik koripsyon sitwayen yo ap denonse nan zafë distribisyon kat la. Ofis la ap redi anko, avek anpil enstistans, Kat Idantifikasyon Nasyonal la Gratis, pésonn pa dwe peye pou fè ak rekipere Kat li.
ONI envite tout sitwayen yo pou rete atantif pou pwochen anons li yo sou ki kote, kijan, ak
kile karavan nan ap pase nan lòt komin nan peyi a. ONI ap itilize plizyè mwayen kominikasyon pou enfòme popilasyon an.
Ofis Nasyonal Idantifikasyon (ONI) renouvle detèminasyon ak angajman li pou sèvi popilasyon an nan transparans ak efikasite.
