Biwo Kominikasyon Konseye Prezidan Leslie Voltaire, pote yon demanti ak rimè k ap sikile sou rezo sosyal yo, ki fè konnen Konseye a gen yon pwoblèm sante grav epi li nan yon kondisyon kritik.
«Rimè sa yo pa gen okenn vérité. Prezidans Repiblik la mande pran prekosyon ak responsabilite devan manti sa yo, ki sèlman vize pou simen konfizyon epi pwovoke twoub nan moman defisil peyi a ap konnen dènye jou sa yo», se sa nou li nan nòt biwo kominikasyon Konseye Prezidan.
Pi devan nòt la fè konnen Konseye Prezidansyèl la, Leslie Voltaire, kite peyi a tout bon pou l ale aletranje nan kad yon egzamen medikal regilye ke l ap fè depi plizyè ane.
«Malgre absans li nan peyi a, L. Voltaire kontinye kolabore ak kòlèg li yo sou dosye aktyèl yo. Li planifye pou l retounen an fòm pou l kontinye travay ansanm ak pèp ayisyen an, pou retabli espwa nan mitan nasyon chè nou an,» se ak pawòl sa yo la te fini.
