Apre yo te kanpe tout vòl depi 4 mwa akòz sitiyasyon sekirite a an Ayiti, Air Caraibes anonse li rekòmanse vòl li yo sou ayewopò Tousen Louvèti apati lendi 1ye jiyè a.
Konpayi avyon an pral opere yon vòl chak semèn sou Ayiti, epi lap rapouswiv nan Santo Domingo, abò yon Airbus A330-300.
«Air Caraibes salye amelyorasyon sitiyasyon an Ayiti epi li kontan pou l kapab akeyi kliyan ayisyen li yo nan kondisyon optimal sekirite ak trankilite,» se sa nou li nan yon nòt pou laprès konpayi an.
Remake byen nan fen mwa me a, Otorite Sekirite Transpò Ameriken (TSA) te deja bay posibilite pou konpayi Ameriken yo rekòmanse vòl yo sou Ayiti, kèk ladan yo rekòmanse sèvi ayewopò Tousen Louvèti depi jedi 30 me 2024 la
