Kabinè inite lit avoka yo ki gen nan tèt li mèt Frantz Giles some gouvènman an sitou sèten enstitisyon tankou otorite ayewopòtyè Dayiti AAN, ofis nasyonal avyasyon sivil OFNAC, ministè travo piblik transpò ak kominikasyon pou site sa yo sèlman pou fòse yo retounen sou desizyon britsoukou yo te pran pou kanpe diferan vòl ki prale nan diferan peyi tankou Nikaragwa Brezil elatriye.
Yon desizyon ki te pran sou presyon otorite Ameriken yo alòske sitwayen depanse plizyè milye dola ameriken ki prèske pèdi. Mèt Frantz Jules kap defann sèten ajans vwayaj bay gouvènman an yon jou fran pou tounen sou desizyon sa selon avoka yo.
Kanpe vwayaj la se vyole dwa sikilasyon sitwayen yo jan sa prevwa nan deklarasyon inivèsèl dwa moun daprè avoka yo ki fè konnen majorite moun ki te gentan achte biyè yo tap Kouri kite peyi a akoz vyolans gang yo.
La ankò se yon dwa sitwayen yo genyen pou chèche azil lòt peyi pou chape anba gang yo kap taye banda nan kapital la sitou nan Kwadèboukè Matisan Latibonit elatriye.
Nap raple depi lè gouvènman pran desizyon kanpe vòl sa yo sitou Nicaragua ajans vwayaj ap sibi presyon anba men kliyan ki te dwe vwayaje, plis pase 3 semèn ajans sa yo pa konn ki sen pou yo rele ankò.
