Konpayi ayeryen American Airlines ki te pwograme pwochen vòl li sou Ayiti pou jedi 9 me k ap vini la deside repouse pwochen vòl li sou Pòtoprens pou yon lòt dat.
Laura Masvidal, yon pòtpawòl konpayi a fè konnen American Airlines gen plan pou rekòmanse sèvis chak jou ant Ayewopò Entènasyonal Miami ak Ayewopò Entènasyonal Tousen Louvèti 16 me k ap vini la.
Yon lòt bò JetBlue Airways te pwograme pwochen vòl sou peyi Dayiti pou 15 me k ap vini la,yon jou avan American Airlines. Pòtpawòl Spirit Airlines bò kote pa l fè konnen vwayaj sou Pòtoprens ak Okap “Sispann” li pa bay okenn dat yo ap reprann.
Ayewopò entènasyonal prensipal Ayiti a fèmen depi plis pase de (2) mwa apre gang ak zam te lanse yon gwo atak kont enfrastrikti kle yo, yo te vize tou enstalasyon ayopò entènasyonal Tousen Louvèti a. Pou piti twa avyon konpayi avyon ki konn aisire vwayaj sou Ayiti te resevwa bal nan youn nan atak yo, sitiyasyon ki te fòse responsab Konpayi ayeryen yo sispann tout vòl yo sou Pòtoprens.
