Gouvènman an òganize seremoni ki make 220 lane endepandans peyi a sou channmas, byen bonè lendi premye janvye 2024 la, PNH la ak Fòs lame a te defile sou channmas. Fòs lame a menm te anpenpan Jodi a kote yo te ekpoze” inifòm konba” tou nèf ak Nouvo machin blende FADH la posede.
Materyèl sa yo se tròkèt la chay la dèyè daprè Premye minis Ariel Henry ki fè konnen gouvènman pral fè tout sa l kapab pou mete bon jan materyèl nan men fòs sekirite yo avan fòs miltinasyonal la rive.
Ane 2024 sa tout moun rete tèt frèt yo pral rekòmanse sikile nan kapital la ak rès peyi a ak tèt frèt, ” tout danmijann gen bouchon l sak vle fè nou pè a gen pou jwenn bouchon l ” nou tap site chèf gouvènman ki kwè n pi pre pasen pi lwen pou trake tout gang kap simen latroublyay nan peyi a.
Nan politik la chèf gouvènman fè konprann pasyans li bout depi Jamayik, li te pwomèt pou elaji HCT a pou te fè plis sektè politik rantre nan gouvènman pou te pèmèt yo pase men nan konstitisyon an relanse pwosesis elektoral la. Pozisyon fèm Ariel Henry sou avni politik peyi a pandan 7 fevriye a ap rive a.
Doktè Ariel Henry raple aktè politik yo latwoublyay kreye kawo pou panike pitit 
la pap bay pouvwa, se pito kreye yon anviwonman favorab pou eleksyon òganize nan peyi a ,pou pèp la ka chwazi dirijan l yo.
Nap raple Ariel henry te fè diskou sa nan Jaden MUPANAH devan rès gouvènman, kò diplomatik la, aprèl te fin depoze yon bouke flè nan memwa zansèt yo.
