« Tout moun otorite ameriken koupe viza yo pou akwentans yo ak gang deja okouran « Deklarasyon chaje dafè ameriken an Eric Stromayer ki fè konnen lalwa pa Pèmèt yo rann lis la piblik .Diplomat la fè konnen yap travay pou ogmante sanksyon yo tou tankou bloke kont sezi byen tout moun sa yo sa yo nan nenpòt peyi sou la tè.
Diplomat la rekonèt majorite zam ki nan men gang yo an ayiti soti nan peyi etazini ,se pou sa yap miltipliye estraji pou ranfòse kontròl yo nan dwan yo e pran sanksyon kont kontrebandye yo tou
Antretan etazini anvizaje Yon repons « solide et concret « a demand Gouvènman ayisyen an te fè pou gen asistans militè etranje an ayiti pou kontrekare gang yo ,Éric Stromayer refize bay yon dat men yap kontinye travay nan tèt kole ak lòt peyi yo pou vin ede ayiti ki nan sitiyasyon difisil.Diplomate di peyi l gen gwo kè kase fason kolera ap vale teren nan peyi a alòske gaz la ki enpotan pou lopital yo toujou bloke nan varreux .
Nan interview sa Eric Stromayer te bay televizyon nasyonal dayiti swete aktè yo an ayiti chita pale pou jwenn solisyon a kriz la pou peyi a tounen nan stabilite lekòl relouvri pou eleksyon oganize .
