Asap Fresh kite lakay li depi 3 novanm nan poul tal jwe nan yon aktivite kiltirèl laplèn zòn sat. Se yon polisye ki rele Baby ki te vin chèche atis la poul tal jwe nan club sa ki rele ”Dynasty club ” daprè manman li ki pat ka kenbe dlo nan je maten lendi 6 novanm nan mikro RTVC.
Depi lè sa Asap ak lòt jèn ki te ak li yo pa janm rantre ,yo pa janm jwenn yo nan telefòn.”Baby se non polisye a, se li ki mèt Dynasty Club la ,li vin chèche pitit mwen an li te dim lap mennenl tounen. Kounya li pa janm reponn telefòn mwen, ” deklarasyon manman atis la.
Manman an egzije retou pitit li ki se sèl espwa l daprè revelasyon l. Asap 32 lane te fè pati gwoup G-shytt ki tandans Trapp ak Drill .
Selon enfòmasyon kap sikile sou rezo sosyal yo machin atis la ta pase anba flanm dife men yo pa remake okenn kò ladann.
Asap se youn nan jèn atis popilè nan mitan jèn yo sitou ak dènye mizik li a ki rele ”Dodama”.
