Ansyen senatè John Joël Joseph te plede koupab madi 10 oktòb la nan tribinal federal Miami pou konplo li menm ak lòt moun an Ayiti ak nan sid Florid te fè pou touye ansyen prezidan , Jovenel Moïse, men tou paske li te asiste nan yon reyinyon kle ak kòmanndo Kolonbyen yo 6 jiyè 2021.
Ansyen senatè a admèt devan ajan FBI yo li te rankontre ak sèvo asasinay ansyen prezidan anvan menm yo te lanse misyon pou touye ansyen chèf leta peyi Dayiti a. John Joël Joseph dakò tou li te ede jwenn machin epi eseye jwenn zam pou te ede nan operasyon asasinay Jovenel Moïse.
Nap raple John Joël Joseph te jwenn arestasyonl nan peyi Jamayik samedi 15 janvye 2022 a aprèl te pran bato pou rive sou teritwa Jamayiken an.
