Apre lopital “Nos petits Frères et Sœurs” ak Fondasyon “Saint-Luc, se tou pa Bernard Mevs pou l anonse, madi 27 septanm nan nan yon nòt, rediksyon anplwaye li yo ak sèvis ki disponib yo, yo pran desizyon sa akoz kriz gaz kòmanse frape yo fò.
Kriz gaz la k ap fè ravaj nan peyi a fòse nou mete an plas yon plan ijans, yon rediksyon nan pèsonèl nou yo ak sèvis ki disponib yo, ” se sa lopital Bernard Mevs fè konnen nan nòt la.enstitisyon an ale pi lwen poul di, yon pa konnen ki jou, ki lè lopital la ap ka reprann sèvis nòmal li yo si kriz gaz la pa rezoud.
Responsab yo di yo espere lopital la pa pral rive nan yon sitiyasyon pou yo fèmen pòt yo nèt menm jan ak yon pakèt lòt lopital nan peyi a ki deja rive nan sitiyasyon sa. Enstitisyon an pwofite mande èd tout moun, patikilyèman founisè gaz yo, pou ta fasilitel li jwenn dyezèl la.
Nap raple depi kèk jou, nèg ak zam bloke aksè nan Terminal Varreux, ki se pi gwo sit depo petwòl nan peyi a, kidonk anpeche distribisyon gaz la nan ponp yo. Otorite yo gouvènman yo toujou rete enpwisan devan sitiyasyon sa ki paralize lavi popilasyon ayisyèn nan.
