Pou pi piti twa (3) viktim, pami yo youn ki mouri ak de blese ak bal, anrejistre nan apremidi jedi 16 jen 2022, apre yon atak ame kont lokal Otorite Pò Nasyonal (APN), nan Pòtoprens. Moun ki mouri a se yon ajan sekirite, alòske de (2) blese yo se anplwaye Caribbean Port Services (CPS), yon konpayi prive ki chita anndan APN.
Sonje vandredi 10 jen manm gang Vilaj de Dieu, ke yo rele “baz 5 segonn” tou, te atake epi pran posesyon Tribinal Pòtoprens. Nan atak sa a, yon moun te blese tou pa bal.
