Delè pou anrejistreman lekòl yo nan kad resansman eskolè yo pwolonje pou vandredi 12 me kap vini, poutan enskripsyon kandida egzamen 9vyèm ane yo pou 15 me daprè yon kominike Ministè Edikasyon Nasyonal ak Fòmasyon Pwofesyonèl (MENFP).
Ministè Edikasyon Nasyonal ak Fòmasyon Pwofesyonèl eskprime satisfaksyonl epi ankouraje reyaksyon positif kominote edikatif la, spesyalman direktè lekòl yo ki te reponn an mas ak premye operasyon resansman eskolè an liy yo ak enskripsyon pou egzamen 9vyèm ane fondamental yo malgre yon konteks difisil.
Ministè a salye devouman plizyè responsab etablisman eskolè piblik ki te pran dispozisyon nesesè nan lide pou respekte delè ministè an te bay pou resansman eskolè an liy yo ki te dwe bout vandredi 28 avril la ak 9vyèm ane ki te dwe bout 7 me kap vini la.
Gen 12 mil 561 lekol ki fè deklarasyon lekòl yo, etap esansyèl epi obligatwa pou enskripsyon élèv yo nan egzamen ofisyèl 9vyèm ane fondamantal yo.
Akoz plizyè dokiman ki nesesè pou enskripsyon an liy yo, MENFP deside pwolonje pou 12 me 2023 delè pou deklarasyon lekòl yo, ak lendi 15 me pou enskripsyon élèv 9vyèm ane fondamental yo.
MENFP envite chèf etablisman eskolè ki poko fè sa pou komanse fè sa epi finalize pwosesis deklarasyon lekòl an liy ak enskripsyon kandida pou egzamen 9vyèm ane fonadamantal yo.
Direksyon depatmantal edikasyon an dwe pran tout dispozisyon nesesè nan lide pou akonpanye direktè lekol konsenè yo pou abouti ak operasyon sa yo ki se yon eleman enpòtan pou yon bon gouvenans sektè edikatif lan.
