Gang ak zam yo kontinye ap fè pale fòs yo nan kapital Pòtoprens la. Nan lannuit samdi 20 pou louvri dimanch 21 avril la, bandi yo piye Fakilte Medsin ak Famasi youn nan inivèsite Leta yo, nan ri Oswald Durand.
Zak vyolans yo ap kontinye nan kapital la. Aprè endividi ki nan gwoupman gang Viv ansanm yo fin piye Près nasyonal nan fen semèn nan yo atake yon lòt Fakilte Leta mete sou pil sa yo piye deja yo. Daprè enfòmasyon redaksyon an jwenn, bandi yo ta eksplwate yon pasaj moun pa konnen ki ta tou kole ant Lopital jeneral ak Kampis Fakilte a. Responsab pa ko an mezi pou bay detay sou kantite dega ak materyèl nèg ak zam yo pote ale.
Carl Henry Florant
