Misyonè Ameriken Nathalie Lloyd ak David Lloyd mouri nan yon atak nèg ak zam nan lannuit jedi 23 me pou rive vandredi 24 me 2024 nan Lizon 39, anndan òfelina “Bon espwa”. Responsab òfelina, Jude, mouri tou nan atak sa.
Misyonè Ameriken Davy ak Natalie ansanm ak Jude ayisyen an pèdi lavi yo pandan atak sa a ki te fèt bò 9è nan aswè. Ensidan an te kòmanse pi bonè nan aswè bò 6 PM, lè gang ak zam yo antre nan òfelina a. Ameriken Davy ak Natalie t ap sot nan yon reyinyon jenès legliz ak timoun yo lè asasen yo atake yo nan twa machin.
Daprè enfòmasyon òganizasyon an bay, yo pran de (2) machin epi pran anviwon trant (30) timoun an otaj. Bandi yo piye òfelina a, yo pote ale tout sa yo jwenn nan machin yo pran nan misyon an.
Yon lòt bò, reprezantan Eta Missouri a, Ben Baker, te pataje nouvèl trajik sa li di epi nap site “gang zam atake Davy ak Natalie Lloyd nan aswè, yo asasinen tou 2 misyonè yo.”
Zak asasinay trajik kont misyonè ki kite peyi yo vin ede Ayiti montre nan ki nivo gang ak zam k ap taye banda nan peyi pa gen paspouki pou pèsonn. Devan sitiyasyon ensekirite a, popilasyon ayisyèn nan paka tann pou jwenn yon souf ak bandi san fwa ni lwa.
