Jounalis Radio Regard FM epi PDG ISBACOM, Banatte Danielle, nèg ak zam te kidnape vandredi 15 desanm 2023 apre l te soti anime yon emisyon politik rive jwenn liberasyon l byen bonè madi 26 desanm 2023, daprè enfòmasyon pwòch fanmil konfime pou Telepam.
Kidnapè yo te mande 500 000 dola ameriken pou libere jounalis la, li pase anviwon douz (12) jou anba men ravisè yo avan li jwenn libérasyon l madi 26 desanm nan, poko gen enfòmasyon ki disponib sou kondisyon liberasyon jounalis la, ki pou kounya ansanm ak fanmi l.
