La Police Nationale D’Haïti (PNH) anonse tout yon seri mezi enstitisyon an pral adopte pou asire sekirite sitwayen yo pandan peryòd vakans fen ane a.
Pandan yon konferans pou laprès ki te òganize nan Direksyon Jeneral PNH la, mèkredi 20 desanm 2023 a, pòtpawòl Lapolis la, Garry Desrosiers anonse deplwaman divès inite enstitisyon polisyè a sou divès wout prensipal yo nan peyi a.
Komisè polis la presize patwouy lapolis yo pral ogmante sou tout teritwa a, li ensiste poul fi “Lapolis nan mòd konba”, li pale tou de operasyon ki kontinye nan zòn Mariani pou mete fen nan rèy gang ki enstale nan zòn sa depi 1ye novanm 2023
Lapolis ap ogmante prezans yo nan tout kwen nan zòn metwopolitèn nan sitou devan market bank “club” elatriye.
Antretan sitiyasyon an toujou rete konplike nan zòn metwopolitèn kote zak kidnaping yo ap rapouswiv, Latibonit lapolis prèske abandonne depatman sa bay gang Savien ak kokorat San ras ki pa sispann fè san koule. Dènye atak la se Madi 19 Desanm nan kote Baz gran grif la simen bal sou yon konvwa, sa ki lakoz gen 2 moun ki mouri ak plizyè lòt soti blese, nan blòk Kafou Pèy. Jounen Jedi 21 desanm nan tout chofè nan zòn sa deside kanpe travay .
Si enstitisyon an deside kwape malfwa kap fè malvèzasyon nan wout prensipal yo ak zòn metwopolitèn nan e teritwa yo anonse ki de non dwa yo ki inityativ kap pran pou rekipere yo?
Pierre Marc CHARLES
