Kalvè abitan Kafou Fèy sanble poko ap fini, jounen samdi 25 novanm nan kèk fanmi kal eseye rekipere kèk materyèl lakay yo pase anba bal bandi Gran ravin.
Yon enfòmasyon Abelson Gros Nègres konfime “Jodi a pou pipiti 6 moun pèdi lavi yo ak plizyè lòt blese anba bal bandi Gran ravin nan Kafou Fèy. Deklarasyon ansyen polisye a ki rapouswiv poul mande “pèp Kafou Fèy pa pote tèt yo nan zòn sa si CSPN nan pa pran responsablitel pou kwape gang nan peyi a pèp kafou fèy pap kowabite ak gang!”
“Wensy” se sou non sa yo konnen you nan jèn ki tonbe yo, se yon jèn ki grandi Kafou Fèy ki kite lapenn nan kè anpil moun ki te rekonèt li. Selon enfòmasyon Radarnews Haiti rapòte gen plizyè lòt moun ki soti blese nan atak sa jounen samdi sa kal pran swen lopital San Fwontyè.
Atak sa rive nan moman moun Kafou Fèy ap mande otorite yo pran dispozisyon pou reprankontwòl zòn nan pou yo ka retounen lakay yo, mete inite espesyalize nan komisarya Savann Pistach la, repare kay ki boule yo se kèk kondisyon abitan Kafou Fèy yo poze pou yo retounen.
Nap sinyale pandan tan sa gen 20 mil timoun ki poko ka reprann lekòl akoz moun kafou Fèy abrite yo nan etablisman eskolè piblik yo anba lavil la.
Nap raple gen yon komisyon Gouvènman fèk mete sou pye pou reflechi sou pwoblèm sa ki gen ladann reprezantan CAS ,Delegasyon lwès ,ministè edikasyon nasyonal elatriye.
