Ayiti/jistis :Fondasyon Je klere mande pou anpeche tout aktè politik ki anba sanksyon kanada ak etazini yo ale nan eleksyon .
Fondasyon Je Klere jije grav sanksyon peyi Kanada ak Etazini pran kont sèten pèsonalite ayisyèn .FJKL dil pèswade sanksyon sa yo ap gen yon enpak sou plan politik. Pwochen dekrè élektoral la dwe prevwa dispozisyon pou ekate nan pwochèn eleksyon yo tout moun ki sanksyone pou enfraksyon grav .
« Rejim sanksyon ki pran kont pèsonalite politikman eskpoze yo kapab reprezante yon bon opotinite pou Ayiti pou pran chimen bon gouvènans lan ak redisyon Kont»,Selon FJKL ki soulinye applikasyon sanksyon sa yo nan respè dwa tout moun kapab kontribiye nan modifye konpotman aktè ekonomik ak politik yo nan pwosesis chanjman an .
Nan sans sa ,FJKL mande gouvènman pwovizwa a an plas la pou nome jij enstriksyon ak sibstiti komisè gouvenman spesyalize nan enfraksyon finansyè nan 18 jiridiksyon peyi a jan lalwa sou blanchiman kapito ak finansman teroris 11 novanm 2013 la prevwa sa .
Oganism dwa moun lan egzije tou piblikasyon deklarasyon patrimwan tout moun ki tonbe anba sanksyon yo epi fanmi yo nan lide pou pèmèt ak popilasyon an ,lansè alèt yo ,ak laprès spesyalize pou ede lajistis detekte ka fo deklarasyon yo ak deklarasyon ki pa egzat yo yon fason pou pini otè krim yo epi konbat anrichisman ilisit.
Jean Wilner Sévère
