Nan yon nòt protestasyon Bawo a pa kache preokipasyonl fason DCPJ arete Mèt Robinson Pierre Louis .
Aprè piblikasyon nouvèl la yon Delegasyon bawo potoprens tal konstate ak 2 je yo arestasyon Sekretè konsèy la ki nan Yon selil nan komisarya dèlma 33 .
Yo kontinye denonse arestasyon sa ki fèt san kontakte Konsèy lòd la jan sa prevwa nan lalwa .se Yon zak ki sal imaj avoka yo nan peyi a daprè bawo potoprens .
Konsèy lòd la dil pa konprann kòman swadizan ankèt sa mache vit konsa pandan dosye Monferier Dorval la ap trennen nan lajistis
San chita sou rezon arestasyon an Konsèy la ekzije liberasyon Mèt Robinson Pierre Louis prese prese annatandan otorite pouswit yo swiv ekzijans lalwa regleman ak konvansyon yo .
Nap raple pozisyon an bawo deja fè gwo deba sou rezo yo ak nan Medya,Si gen moun ki kwè bawo a gen rezon pou sèten lòt lapolis pa arete yon avoka men pito konseye minis jistis la ki tal fè Presyon sou Ansyen Komisè a pou libere 2 prezime trafikan .Yon deba ki rete ouvè.
Nap sinyale lapolis pibliye nan sware samedi 23 jiyè foto sekretè konsèy lòd yo Mèt Robinson Pierre Louis nan selil li nan komisarya dèlma 33 ak yon mayo blan sou li ,kanpe nan griyaj la.
