Pierre esperence reponn kesyon jij Walther wesser Voltaire sou dosye asasina jovnel moise la, defansè dwa moun nan te san pitye pou Martine Moïse ak Leon Charles
Direktè ekzekitif Rezo Nasyonal kap Defann Dwa Moun yo Pierre Espérance reponn Mèkredi sa a kesyon jij Walter wesser Voltaire nan kad ankèt sou asasina Prezidan Jovenel Moïse. Pou Responsab RNDDH la se yon joul tap tann poul vin di sal konnen sou dosye sa a, menm jan yo te fèl nan 2 rapò RNDDH ekri sou krim nan. Defansè dwa moun nan kritike Martine Moïse ki eleman kle nan ankèt la kontinye ap mawon lajitis, ansyen premye dam nan konnen sak te pase Jovenel Moise kek jou avan asasina a.
Pierre Esperance te pase pran tou ansyen Direktè polis nasyonal la, Leon Charles ki kontinye ap kale kòl nan OEA alòske 2 lòt moun ki nan chèn sekirite prezidan nan prizon. Defansè dwa moun nan dil espere sal te di yo ap ede dosye a avanse pou peyi a pou mond la finalman konnen sak te pase a, se vre gen kèk arestasyon men fòk tout moun konnen kiyès ki te finanse krim nan, la bank komèsyal yo dwe kolabore, lajistis ameriken dwe jwe wòl pal tou.
Nap raple nan dènye moman sa yo jij la tande plizyè pèsonalite sou dosye sa tankou ansyen senatè Nenel cassy, Antonio chéramy, ansyen konseye prezidan Guichard Doré, antreprenè Edoaurd Baussan. Vandredi 7 jiyè kap vini la pral bay 2 lane depi Jovenel Moise te asasinen lakay li nan Pelerin 5, pou make dat sa gouvènman dekrete dèy nasyonal sou tout teritwa.
