Ansyen komisyonè Gouvènman Pòdepè a, Michelet Virgile ki te jwenn revokasyon akòz li te libere 2 trafikan zam, ebyen kèk ajan biwo zafè ekonomik, finansye nan Direksyon Santral polis jidisyè a aretel jodi madi 12 jiyè a.
selon enfòmasyon yo, mèt la te arete de (2) moun pou trafik zam anrapò ak 120,000 katouch 1ye jiyè pase a, nan yon bato ki te soti Ozetazini. Kèk tan aprè ansyen komisè a ta bay lòd pou libere yo. Me Virgile ta patisipe nan liberasyon lòt swadizan kriminèl nan jiridiksyon li a tou. Dapre plizyè enfòmasyon, li te lage yon swadizan kriminèl,prezime chèf gang Jean Renal Dorcin, ki ta tire yon enspektè polis andedan komisarya Basen Ble a. Pou kounya Me Virgile dèyè bawo ap tann poul al reponn kesyon sou sa lajistis repwochel.
