Otorite Bahamas yo anonse yo rive sove 25 moun pami yo 2 bahameyen ki sou kontwol lapolis ak 3 ayisyen kap pran swen ka yo nesesite nan Kad nofraj bato ki fe omwen 17 viktim .
Swit ak lanmò omwen 17 migran ki tap vwayaj ilegal nan lanmè Bahamas pami yo plizye ayisyen ayè dimanch lan otorite yo nan Bahamas anonse gen mezi kap pran pou met fren ak trafik vwayaj ilegal yo .
Otorite lokal yo nan yon konferans pou laprès yo te bay ayè dimanch lan nan Biwo premye minis lan , Philip Davis ,anonse yo rive sove 25 moun pami yo 2 bahameyen ki sou kontwol lapolis epi gen 3 ayisyen ki lopital kap resevwa swen nesese .
Premye minis lan deklare se 60 moun ki te nan bato li ki mezire 30 pye longè epi ki te genyen 2 mòtè.Philip Davis ki kondane sak rive a voye senpatil bay fanmi viktim yo .
Yon diplomat nan anbasad dayiti ki tap reyaji sou sak rive a anonse anbasad la deja mobilize pou kolabore ak depatman imigrasyon nan peyi Bahamas .Toutfwa yap tann Yon rapò nan men otorite Bahamas yo pou konnen eske 17 viktim yo se ayisyen avan yo fè swit legal yo .
Nap raple premye minis Ariel henry ki pat pran tan pou reyaji voye senpati l bay fanmi viktim yo .Chef Gouvenman te profite lanse apel pou rekonsilasyon nasyonal pou Finalman jwenn solisyon kriz kap brase bil peyi a sa kap anpeche kompatriyot yo kouri kite peyi a.
