Ayiti/Migrasyon: «Repiblik Dominikèn rapatriye plis pase 50 mil ayisyen nan 3 dènye mwa yo daprè kodonatè ONM lan Jean Negot Bonheur Delva.
Dènye tan sa yo ,otorite dominikèn yo pa sispann depòte ayisyen ki san papye .Yon sitiyasyon ki pa kite endiferan kodonatè jeneral ONM lan .Daprè Jean Negot Bonheur otorite dominikèn yo depòte plis pase 50 mil ayisyen an Ayiti pandan 3 dènye mwa yo.Toutfwa nimewo 1 ONM lan kwè chak peyi gen dwa pou pwoteje teritwa yo kont etranje ki an sitiyasyon iregilyè .
Selon kodonate jeneral ofis Nasyonal Migrasyon an ,patron dominiken yo nan konfyolo ak otorite dominikèn yo nan kad vag depòtasyon sa yo nan lide pou yo pa peye Ayisyen kap travay avèk yo .
Yon lòt bò ,titilè ONM lan fè konnen gen 153 mil migran ayisyen ki an detansyon sou teritwa dominiken an kap tann yo depòte yo ayiti.
Jean Negot Bonheur te profite pou enfome ranfosman nan zafè resous moun nan 5 pwen fontalye yo nan lide pou akeyi migran rapatriye yo.
Jean Wilner Sévère
