Ayiti/Migrasyon:Ayisyen ki te depòte yo pap janm jwenn viza ankò pou rantre repiblik dominiken selon prezidan Luis Abinader .
Nan lide pou kontinye dekouraje imigrasyon iregilye Ayisyen nan repiblik Dominiken, prezidan Luis Abinader siyen yon nouvo dekrè ki mande diferan misyon diplomatik peyi a pou pa bay viza ak etranje ki vyole lwa migratwa peyi a.
Nan atik 4 dekrè 668-22, prezidan Luis Abinader mande ak ministe afè atranjè pou enstwi diferan konsila repiblik dominiken nan peyi orijin migrant ki vyole prensip teks pou fe yon lis ki vize anpeche migran yo gen viza pou rantre sou teritwa dominiken an swa pou touris oubyen rezidan .
Dekrè sa fet nan kad politik prezidan Luis Abinader pou pouse do paket ayisyen San papye kap viv sou teritwa dominiken an.
Si otorite ayisyen yo pa janm reyaji sou dosye sa gen plizye oganizasyon dwa moun nan peyi vwazen an ki denonse ajisman otorite dominiken yo.
Nap raple nan 3 denye mwa yo otorite domiken yo deja depote plis pase 60 mil ayisyen .Malgre mizangad nasyon zini chèf leta dominiken an te anonse ogmantasyon depotasyon yo,chak peyi gen dwa aplike politik migrasyon pale selon Prezidan domikèn an .
Jean Wilner Sévère
