Si Afganistan (143yèm plas) fèmen pòt klasman peyi moun ap viv pi byen sou latè pou lane 2024 la, peyi Dayiti pa pran sant klasman sila. Nan tèt klasman sa ki pibliye jodi mèkredi 20 mas 2024 la nan okazyon jounen mondyal bonè a, nou jwenn Finland ki gen nan do l Danmak, Island ak Syèd.
Se pou yon 7yèm fwa youn aprè lòt peyi Finland kenbe tèt klasman peyi kote moun pi alèz nan mond la. Etazini ki se pi gran puisans militè mond la jouk jounen jodi a okipe 23yèm plas la. kanada kenbe 15yèm plas la, Beljik li menm nan 16yèm plas la, Wayom Ini okipe 20yèm plas la pami peyi sa yo ki nan tòp 20 an. Yon lòt kote, Repiblik Dominikèn okipe 69yèm plas la nan klasman sila.
N ap raple, kritè Rezo solisyon pou devlopman dirab Nasyonzini an kenbe pou klasman sa ki pibliye chak lane a depi 2012 la se soutyen sosyal, revni, lasante, libète, jenewozite ak absans koripsyon.
Carl Henry Florant
