NÒT PIBLIK SOU SA KI PASE NAN KONSÈY PREZIDANSYÈL JODI A
Biwo Swivi AKO Montana (BSA) a denonse kont maltaye yon kowalisyon 4 sekte anndan Konsey Prezidansyèl la konplote sou do popilasyon an nan mitan lannwit lendi pou rive madi 30 avril 2024 la.
4 sekte sa yo Kolektif 30 janvye, EDE/RED/ Konpwomi Istorik, Pitit Desalin ak Ako 21 desanm deside vyole Ako politik 3 avril yo te siyen an ak tout pwoje dekré sou kreyasyon, òganizasyon ak fonksyönman Konsey la, lè yon nonmen pou kont yo, san chèche konsansis ki se premye demach ki dwe fèt la, san aksepte prensip võt, kidonk san eleksyon, yo nonmen yon kowódonate Konsey la, yon Premye minis ak tout gouvènman yo, san respekte mekanis patisipatif yo te siyen an.
Kowalisyon 4 sektè sa yo enskri tét yo nan menm demach vyolasyon akò ki kontinye ap fè politik san etik, nan trayizon angajman yo pran piblikman nan Akò 3 avril la. Fös mafya politik ak ekonomik yo deside fok yo pran kontwòl Konsey Prezidansyèl la ak gouvènman pou yo ka kontinye kontwole Leta peze souse a, tou sa nan bi pou mafreze pouvwa tranzisyon an epife I tounen yon pataj gato ak privilėj nan pwofi klan politik ak ekonomik tradisyonèl ki trennen peyi a nan kawo li ye jounen jodi a.
Ako Montana a, pandan lap envite akte ki pran move wout la resezi yo, antre nan konsètasyon pou I pran tèt frèt desizyon ki nań enteré peyi a. Ako Montana a bay popilasyon ayisen nan garanti li pap sèvi kosyon pou pwoje mafya nan sekte ekonomik ak politik ki mete I kote I ye jodi a e ki vle kontinye kenbe privilėj nan Leta a, kontinye move trafik, koripsyon, kontreband, antre bato nan pwovens pou pa peye taks. N ap fè tout moun sonje se pratik koripsyon ak enpinite nan sistèm lan ki anjandre ensekirite a e pémet li rive nan nivo envivab n ap sibi jodi a.
Ako Montana pa nan pike devan. Men Ako Montana p ap fè bak nan batay li pou sõti peyi a nan kawo. Byen vit I ap enfòme popilasyon an sou desizyon ki sõti apre konsètasyon yo
Montana rete angaje pou jwenn yon solisyon konsansyėl nan kriz k ap boulvėse peyi a. Men li pap kosyone okenn brigandaj
Entèlijans politik, òganizasyon, rezistans, mobilizasyon se limyè kap klere chimen viktwa pèp la.
Akò Montana
