Kèk jou aprè enstalasyon yo nan ministè komès ak endistri Wo Konsey Tranzisyon an patisipe nan premye konsey minis yo ki te dewoule nan palè nasyonal kote divès pwen te diskite pami fenomèn enskerite a .
Nan kad konsèy sa ,Gouvènman anonse yon gwo fowòm sou sekirite nan jou kap vini yo la.Tout sektè nan vi nasyonal la ap gen pou patisipe nan aktivite sa ,menmsiw pat siyen akò 21 desanm nan selon minis kilti ak komikasyon an Emelie Prophète .
Yon lòt kote pòt pawòl Gouvenman fe konnen yo te diskite sou ranfòsman ” pwogram miltisektoryèl pou apezman sosyal ak reyensèsyon an ” yon program kap ede yo soulaje sitou sila yo ki nan plis nesesite yo.Pou atenn objektif sa yo pral kontinye ak transfè lajan kach sou telefòn ogmante restoran kominotè yo epi sibvansyone paran yo .
Se te okazyon pou konsèy minis la te evalye adminsitrasyon piblik la ki pèdi anpil moun nan dènye ane sa yo ,anpil nan kad yo kite peyi a akoz ensekrite oubyen ki retrete. Pou minis Emmelie Prophètete se yon opotinite pou fasilite plizyè jèn entegre administrasyon piblik la .Pou fini yo te profite anonse
Pap gen kanaval nasyonal men leta santral ap sipòte plizyè komin ki deside fè kanaval pa yo daprè konfimasyon titilè ministè kilti ak kominikasyon an .
