RNDDH kritike Kolektif 30 janvye ki konteste rezolisyon ki te pran nan konsèy la ki priyorize “presidence tournante” ak majorite 5 la.
Òganizasyon defans dwa moun nan regrèt kolektif 30 janvye ki konpòte yo an mèt konsèy alòske KPT a se yon ansanm, pèsonn pa gendwa ap chèche kontwole l, Pierre Espérance pase pran Clarens Renois kap eseye defann dokiman pozisyon kolektif sa a nan medya. ” kot Clarens te ye lè ekip li a tap eseye fè yon koudeta atravè yon swadizan majorite pou mete Edgard leblanc prezida ak Fritz Belizaire premye minis” Nou tap site responsab RNDDH la ki kritike konpòtman ansyen Senatè Leblanc ki pat dwe apiye demach sa.
Pierre Espérance kritike aktè sa yo kap kontribye nan fè konsèy la trennen pye alòske fòs miltinaysonal la ap rive san poko gen okenn otorite valab pou reprezante leta a. Konpòtman konsèy la pwouve yo pa gen lidèchip, si yo kontinye ap trennen pye yon plan B pral aplike. Yon plan ki deja la daprè defansè dwa moun nan.
“Tout aktè nan chèche enterè pèsonèl kenbe KPT a“ nan trennen pye yap pèdi ni sak ni krab” pawòl Pierre Espérance.
