Rezidans Me Michel André te sib manifestan ki pran lari Mèkredi sa a pou di non ak ogmantasyon pri pwodwi petwòl yo sou mache lokal la.
Daprè plizyè medya, ak kèk temwen, pwotestatè yo atake ak kout wòch mèt nan Tomasin 37, nan wotè Petyon Vil . Yon mete dife nan yon machin ki te nan lakou kay la, yo mete deyò epi kraze anpil materyèl kay mèt la ki te pwoklame tèt li avoka pèp la.
Manifestan yo akize ansyen opozan feròs rejim rejim Jovenel la ke li abandone batay popilè a depi lè Doktè Ariel Henry rive nan Primati a. Fòk nou di tou atak sa rive aprè Ayè Madi 13 septanm nan te fè konnen sou Radio Majik FM ke se de (2) fason Aryèl Henry ka kite pouvwa : se swa li remèt pouvwa bay yon Prezidan eli oubyen lanmò. Deklarasyon sa soulve kòlè anpil moun nan popilasyon ki depi kèk jou tanmen kèk mouvman pou mande Premye minis Ariel Henry bay talonl.
