Kolera ap taye banda nan Bèl Fontèn ki sou komin kwadebouke. 3 timoun deja mouri akoz mikròb sa selon «mobilizasyon jèn pou avansman ak progrè Dayiti», yon òganizasyon jèn nan zòn sa.
Sak pi grav la pa gen menm yon sant sante nan zòn sa ki sanble yon kominote leta bliye. Malad yo ap ogmante sou kont medsen fèy, pouw ta jwenn sèvis sante wap mache plizyè kilomètre pou rive Fermathe pandan wap pote malad la sou « branka » toujou daprè esplikasyon Natacha Dorcile ak Nahomie 2 manb oganizasyon an ki te pale ak radio Méga.
Akote problèm sante Bèl Fontèn plonje nan grangou depi kèk tan akoz fenomèn ensekirite kap devlope nan Fòjak ki te pi bon pakou yo pou yal vann Fermathe. Akoz bandi kap monte desann nan zòn sa sikilasyon an vin enposib grenn wout ki ka menen yo nan mache a menm motosiklèt pa vle fèl. Chofè ki asepte fè l la ekzije 2500 goud.
Kidonk manje pa rantre soti nan kominote a, pou Kounya se sèl mango ki prensipal nouriti popilasyon an selon temwayaj medam yo kap tann sekou otorite yo ak rès sosyete a.
