Kri Fanm Ayiti(KRIFA) denonse ak tout fòs yo move trètman 19 fanm ap sibi nan gadavi komisarya potoprens depi plizyè mwa.
Pami fanm sa yo gen yon minè ki gen 9 mwa ansent k’ap bay san nan selil la daprè Direktris egzekitif KRIFA ,Guerlyne Rezidor ki fè konnen medam yo pa gen manje,dlo ak kit ijyenik.
Fanm sa yo trouve yo nan sitiyasyon sa akoz fenomèn ensekirite a ki anpeche yo transfere yo nan prizon sivil kabarè a.
Defansè dwa moun nan atire atansyon otorite konsène yo pou deplase medam sa yo ki pat dwe janm nan menm espas ak gason yo,pèmèt medam yo jwenn medsen pou konsilte yo epi fasilite minè ki ansent lan akouche nan pi bon kondisyon.
Guerlyne Mezidor kwè se deja yon gwo danje pou kenbe medam yo nan menm espas ak gason yo nan yon sant detansyon.Sa konn kreye gwo ensidan pami yo kadejak ,yon sitiyasyon ki te deja repete nan prizon Sivil gonayiv.
