Aprè eliminasyon ekip Philadelphie a nan demi final konferans Ès la dimanch 14 me ki sot pase a, direksyon Sixers yo deside révoque Glenn Rivers tout moun konnen sou non Doc Rivers nan dat 16 me a. Malgré antrenè ameriken 61 lane a te pèmèt sixers yo fini 3zyèm nan konferans Ès la, prezante bilan sa :54 viktwa pou 28 defèt ; Philadelphie te kase dan l fas Boston Celtics kite bat yo kat viktwa a 3 nan seri a.
Doc Rivers te rive nan tèt Philadelphie premye oktob 2020, li te siyen yon kontra pou 5 lane. Malerezman li pa gentan fini fè manda.
Selon ESPN, Direksyon ekip Philadelphie a gentan mete deyo yon lis antrenè pou ranplase l: Mike Budenholzer (53 lane), Sam Cassell (53zan) Mike D’Antoni (72zan), Nick Nurse (55 lane), Frank Vogel (49lane) ak Tavares Montgomery Williams Junior (51 lane).
Jonathan Charles
