Yon nouvo responsab enstale nan tèt awondisman Kwadèboukè. Komisè polis Mackenzy Innocent chwazi lendi 19 fevriye kòm nouvo responsab a.i awondisman kwadèboukè. Li ranplase nan pòs sa komisè Max Vital Altis ki transfere nan direksyon depatmantal lwès 1.
Chanjman sa rantre nan kad estrateji wo kòmandman polis nasyonal la pou kontinye proteje vi ak byen popilasyon an selon yon kominike PNH la.
Nap raple deja plizyè lane depi gang 400 mawozo ap taye banda nan komin sa ,san fòs lòd yo poko janm ka jwenn yon solisyon pou kontrekare bandi sa yo ki pa sispann koule san nan komin sa a.
