Lendi 16 janvye 2023 a Konsèy Siperyè Pouvwa Jidisyè a (CSPJ) voye bay Minis Jistis ak Sekirite Piblik la, Madam Emmelie Prophète Milcé, yon lis ki gen non 28 jij ak komisè gouvènman yo met deyò nan sistèm jidisyè a. CSPJ a pa sètifye majistra sa yo pou “absans entegrite moral” epi pwoblèm “kalifikasyon akademik”.
Pami yo nou jwenn Komisè gouvènman Pòtoprens lan Me Jacques Lafontant, Me Roosevens Marcenat Desmornes,Ramoncite Accimé, Garry Orélien¸ Ikenson Édumé ak anpil lòt ankò.
Yon lòt bò gen 31 lòt jij ki jwenn benediksyon CSPJ a pou kontinye travay nan sistèm jidisyè a. Pami jij sa yo nou jwenn dwayen tribinal premyè enstans Pòtoprens lan Chavannes Etienne, jij enstriksyon Merlan Belabre ak majistra Rose Maggy Borgella Shoute, jij enstriksyon tribinal premyè enstans Pòtoprens.
Jean Kenson Carries (JKC)
