Ministè Edikasyon Nasyonal ak Fòmasyon Pwofesyonèl anonse yo ap tann 115.337 elèv nan sant egzamen yo pou pwochen egzamen bakaloreya yo pou ane akademik 2021-2022 a. Apati vandredi 1ye jiyè sa a, 115.337 kandida ki enskri pou pwochen egzamen bakaloreya ane sa a pral gaye nan 572 sant egzamen MENFP mete sou tout teritwa a.
Dapre done ki soti nan ministè a, 48.73% nan kandida ki anrejistre pou pwochen egzamen yo soti nan depatman Lwès la. Ak 56,213 etidyan, depatman Lwès la depase byen lwen depatman Latibonit, ki li menm pral akeyi 12,249 kandida.
Kandida sa yo pral rankontre nan 1873 sal egzamen ministè a mete sou pye apati vandredi 1ye jiyè sa a epi soti 4 pou rive 6 jiyè.
Fòk nou raple egzamen sa yo, ki te pwograme soti 4 pou rive 7 jiyè 2022, te modifye pa MENFP akòz 7 jiyè ki make dat asasina ansyen Prezidan Jovenel Moïse an 2021.
JKC
