Animatè radyo, pwopriyetè medya an liy “Guy Wewe Radio a”, Guy Webern Guerrier tout moun konnen sou non Guy Wewe lansel nan yon lòt defi. Dimanch 15 janvye 2023 a, animatè a mete deyò nouvo mizik li a ki rele “En dernier”, mizik sa Guy Wewe chantel ansanm avèk Kikko Lyrixx.
Nouvo hit sa dire 6 minit ak kèk segonn li tou akonpanye ak yon videyoklip, kategori mizik lan se konpa. “En dernier” se yon mizik kote tounaj videyo a prezante anbyans anndan yon klèb (club), yon bèl ayisyèn atire atansyon Guy Wewe ak Kikko Lyrixx, malgre dam nan chaje flannè ki gen je sou li pa anpeche 2 chantè yo sipliyel pou danse, yo menm mandel pou yo fè dènye won an ak dam nan.
« Réserve-moi la dernière danse », « …M ap tann ou… / M ap danse an dènye…/ M ap ploge an dènye… » se kèk nan pawòl 2 chantè yo lanse nan mizik sa ki gentan genyen plizyè mil moun ki gadel sou plizyè platfòm.
Nouvo mizik sa se li k ap anonse prochen albòm kiko ap gen pou l sòti ane 2023 sa menm.
Jean Kenson CARRIES (JKC)
