Konsèy prezidansyèl tranzisyon an (KPT) a anonse li te rankontre madi sa Premye minis la, Garry Conille. Diskisyon yo te chita sou fòmasyon gouvènman an.
Anviwon 24 èdtan apre seremoni pou te remèt anplifikasyon dekrè pou nonmen Premye minis Garry Conille, 2 branch egzekitif la te fè yon reyinyon ki te vize detèmine manm nouvo kabinè ministeryèl la.
“Menm jan popilasyon an ap tann sa, KPT a ak nouvo Premye minis la angaje yo pou fè tout sa ki posib pou bay peyi a yon nouvo Gouvènman pi vit posib,” se sa nou li nan yon mesaj nan KPT a mete deyò.
