Aprè yon gwo sezon ak Brentford, Christian Eriksen siyen ak yon gwo klèb Ewopeyen. Jwè Danwa siyen pou twazan ak Manchester United.
Danwa ki te retounen nan seleksyon an nan mas pase a finalman deside al jwe nan Manchester United yon fason pou l lanse yon nouvo chapit nan karyè li a 30 lane. Erik ten Hag, antrenè United la te konvenk jwè a poul rejwenn li nan ekip la, Danwa metel dakò ak Red Devils yo sou yon kontra twazan.
Yon chwa fò pou ansyen Ajax Amstèdam lan ki pral jwe nan yon estil foutbòl li apresye. Sou rezo sosyal li yo, Manchester United akeyi jwè a ak anpil bèl pawòl: “Manchester United kontan konfime Christian Eriksen rejwenn klèb la, li siyen yon kontra jiska jen 2025. Nan 115 fwa li jwe pou Danmak , li make 38 gòl pou peyi li. Eriksen jwe 237 match nan Premyè Lig la, li fè 52 gòl ak 71 pas,” se sa te nou ka li nan nòt pou laprès klèb Manchester a.
