Nan yon kominike ki soti madi 20 jen an, CONMEBOL la revele nan ki dat Copa America 2024 la pral dewoule.
48yèm edisyon Copa America pral fèt nan peyi Etazini soti 20 jen pou fini 14 jiyè nan lane 2024. Prezidan CONMEBOL la Alejandro Dominguez fè dekarasyon sa nan yon kominike : “Nou kontan pou n anonse ofisyèlman nan ki dat Copa America 2024 la pral kò presbytère, ap fini tou. Yon nouvèl edisyon kote nap envite moun yo vini selebre, viv pasyon ke konpetisyon sa fè nou santi”.
CONMEBOL la te pwofite raple 16 ekip pral patisipe nan konpetisyon sa, 10 ekip sid amerik la: Brezil, Ajantin, Bolivi, Chili, Kolonmbi, Irigwey, Paragwey, Venezwela, Ekwatè, Pewou.
Gen 6 nasyon envite nan zone CONCACAF la. Kalifye yo se pral 4 demifinalis ki pral soti nan lig dè nasyon CONCACAF la (2023-2024) la , ekip kap pèdi kadefinal yo pral jwe antre yo, pou 2 dènye plas yo. Se nan mwa novanm kap vini la nou pral konnen 6 nasyon sa yo.
Nap siyale, se pral dezyèm fwa Etazini pral resevwa konpetisyon sa, premye fwa se te nan lane 2016, chili te chanpyon.
Jonathan Charles
