Apre sèt ane nan yon bèl inyon ak Juventus, Paulo Dybala deside chanje katye ete sa a. Entènasyonal Ajanten an ki lib depi 30 jen pase a, finalman rejwenn ekip AS Roma, klèb Italyen an konfime nouvèl la jodi mèkredi a sou sit entènèt li.
“AS Roma kontan anonse l siyen Paulo Dybala. Ajanten 28 lane a rive nan klèb la aprel fin pase sèt dènye sezon yo nan Juventus. Jwè a siyen yon kontra ak klèb la pou jiska 30 jen 2025.” se sa nou te ka li nan kominike AS Roma
Apre Palerme ak Juventus, AS Roma pral yon nouvo defi nan seri A pou jwè a. Sipèsta nan fòmasyon Mourinho a,pral resevwa yon salè 6 milyon ero chak ane, li pral pote eksperyans li ak talan li pou ekip la.
