Nan okazyon match baraj (gwoup B) dezyèm divizyon nan peyi Danemark, Hobro Idrætsklub bat Nykøbing FC (3-1) , nan stad DS Arena, vandredi 28 avril la.
Atakan entènasyonal ayisyen an Don Deedson Louisius fè 3 gòl, 56e, 77e, ak 88e minit nan match la. Atakan 22 lane ayisyen an ogmante kapital gòl li, pase ak 10 pandan sezon an.
Yon lòt kote, toujou vandredi 28 avril la, fwa sa nan dezyèm divizyon chanpyona Irland la, 11zyèm jounen an, Frantz Pierrot fè 3 gòl 25e, 38e, 77e nan bèl viktwa ekip Athlone Town 3 a zewo sou Wexford. Match la te jwe nan
Athlone Town Stadium lan.
Atakan amerikano- ayisyen 24 lane a gentan fè 7 gòl nan 9 match li gentan jwe sezon sa, li se ti frè Frantzdy Pierrot. Nan klasman Ekip Athlone Town la gen 16 pwen, li okipe twazyèm plas la.
Jonathan Charles
