Nan yon kominike ofisyèl ki pibliye madi 23 me a, Federasyon foutbòl Panyòl la anonse yo retire katon wouj Vinicius Jr te pran nan match Valence-Real Madrid (1-0). Akoz pawòl rasis kont jwè Brezil la Valence resevwa yon yon amann 45.000 euros e tou federasyon an anonse tribin Mario Kempes la nan stad Mestalla fèmen pou 5 match.
“Lè nou gade akizasyon yo ak prèv videyo Real Madrid bay konsènan katon wouj Vinicius nan 90+ 5, komite disiplinè a deside anile “konsekans disiplinè” katon wouj sa ak otorize brezilyen an jwe ankò nan mèkredi kont Rayo Vallecano nan Bernabéu a pou 36e jounen Liga.
🚨 ÚLTIMA HORA
❌ ¡No hay sanción a Vinicius!
➕ Más información: https://t.co/OTl2BqiawA pic.twitter.com/pv3CrWhK0U
— Diario AS (@diarioas) May 23, 2023
Nan menm nòt la, federasyon an fè konnen gen yon pati nan stad Mestalla,tribin Mario Kempes, ki fèmen pou 5 match. Klèb la resevwa tou yon amann 45.000 euros pou ensidan rasis yo.
Nap raple madi 23 me a, lapolis Panyòl anonse arestasyon twa moun nan vil Valence ki sispèk yo te pwononse jouman rasis kont Vinicius Junior.
