Malgre move pèfomans Ayiti nan dènye Gold Cup 2023, li toujou kenbe menm plas li nan klasman FIFA. Chanpyon di mond an tit yo Ajantin toujou kenbe premye plas la, Meksik pran yon plas.
Patwon foutbol mondyal la FIFA, pibliye twazyèm klasman l pou ane a, vandredi 20 jiyè 2023. Nan klasman sa, seleksyon ayisyèn nan toujou 87tyèm mondial avèk 1272. 64 pwen, li nan 9vyèm plas la pou zone CONCACAF la. Nan top 10 klasman, pa gen okenn chanjman ki fèt, Ajantin rete lidè 1843. 73 pwen.
Aprèl fin ranpòte 9vyèm Gold Cup li, seleksyon Meksik la monte 12zyèm ak 1665. 59 pwen. Tandike, seleksyon Mawòk la ki sot fè listwa nan mondial 2022 a, pèdi yon plas li 14zyèm ak 1655. 5 pwen.
Men kijan klasman ye ak lidè yo pou chak konfederasyon, kibò yo pozisyone yo tou nan klasman jeneral la.
CONMEBOL : Ajantin 1843. 73 pwen (1er)
UEFA : Frans 1843.54 pwen (2zyèm)
CONCACAF : Etazini 1674. 48 pwen (11zyèm)
CAF: Mawòk 1655. 5 pwen (14zyèm)
AFC: Japon 1595 . 96 pwen (20tyèm)
OFC: Nouvèl Zeland 1199. 04 pwen (113zyèm)
Jonathan Charles
