PHTK,OPL,EDE ,UNIR, MOPOD signataires non -alignés au PM se kèk pami gwoupman politik ki fè pati zouti ki lanse jounen mèkredi a nan otèl Montana. Responsab yo klè Ariel Henry dwe kite pouvwa 7 fevriye jan sa te prevwa nan akò 7 fevriye 2023 ki te pibliye nan jounal ”Le Moniteur.”
Panel la te konpoze ak sèten aktè politik popilè tankou Claude Joseph EDE, Liné Baltazar PHTK, Edgard Leblanc OPL, Himler Rebu GREH, Jean Rodolphe Joazil konsyans patriyotik, Harrison Ernest Pati konstwi lavi.
Selon lidè OPL la Edgard Leblanc Fils ki te pran lapawòl, li fè konnen fron an se yon zouti estratejik pou jwenn yon solisyon pasifik nan chita pale pou kriz la.
Reprezantan PNDPH la Caneva Jean Baptiste fè konnen fron an kreye aprè konsta Premye minis Ariel Henry ki kenbe yon pouvwa ilegal plis pase 2 lane pandan peyi a ap peri anba grangou ak ensekirite, 2 lane tou l pa montre okenn volonte pou negosye, alòske 7 fevriye a rive sou nou.
Nan sans sa a Fron an pral fè demach pou diskite ak tout fòs politik , ekonomik ak sosyal pou mete sou pye yon pouvwa tranzisyon nan lespri konstitisyon an.
Fron an vle bay popilasyon an ak kominote entènasyonal la garanti yap jwenn yon fòmil pou ranplase Pm Ariel Henry aprè demisyonl .
Lidè EDE a Doktè Claude Joseph voye yon pinga bay sosyete a pou pa bay Ariel Henry yon lòt akò aprèl fin vyole 2 lòt yo nan tèt kole ak alyel yo. ”Ariel Henry se prensipal benefisyè ensekirite a, klima terè ki tabli nan peyi a, ” deklarasyon ansyen Pm Claude Joseph
“Antanke lidè responsab li nòmal poun chèche konble vid kap rive sou nou la a. Se premye faz nan lòt nivo batay la,” toujou ddapr, pandan nap sinyale tout absans gwoup montana ak fanmi Lavalas.
