Bandi ak gwo zam ki idantifye kòm manm gang “gran grif”, menase pou detwi Palè 365 Pòt la ki twouvel nan komin Ti Rivyè Latibonit. Bertide Horace, pòtpawòl komisyon dyalòg, rekonsilyasyon ak konsyantizasyon pou sove Latibonit, ki t ap entèvni nan emisyon Micro-vérité sou tele eclair atire atansyon otorite konsène yo ak sosyete a sou menas sa.
“Palè 365 Pòt se sib gang “Gran Grif”. Yo klè yo vle detwi komisarya, Palè 365 pòt la ak konplèks administratif la, yo pè pou fòs miltinasyonal Kenyan an pa al sèvi ak espas sa yo pou atake yo”, pawòl Bertide Horace.
Daprè sitwayen sa, operasyon ki vize demoli komisarya a te kòmanse depi lè polisye yo te ki te nan espas sa Ti Rivyè te mouri nan atak 25 janvye 2023, yon atak ki te lakoz senk (5) polisye UDMO te asasinen nan Lyankou.
Komisyon dyalòg, rekonsilyasyon ak konsyantizasyon pou sove Latibonit la, konsyan gwo danje k ap peze sou sit istorik sa a, deja tanmen yon chita pale ak plizyè òganizasyon sosyete sivil la ansanm ak otorite lokal yo pou jwenn solisyon epi pwoteje palè pòt 365 la.
N ap raple Palè Bèl Rivyè a, nou konnen sou non “Palè 365 pòt” la, li twouvel nan Ti Rivyè Latibonit li te sèvi kòm rezidans pou Henri I, wa peyi Dayiti lè sa a.
